जनकपुरमा जलिरहेको युवतीको शव बरामद
जनकपुरधाम, वैशाख ६ । जनकपुरमा प्रहरीले जलिरहेको अवस्थामा एक युवतीको शव बरामद भएको छ ।
जनकपुरधाम उपमहानगरपालिका १६ पुलचोकमा रेल्वे लिक नजिक पोखरी डिलमा बुधबार राति २३ वर्षीय युवतीको शव जलिरहको अवस्थामा प्रहरीले बरामद गरेको हो ।
पोखरीको डिलमा राति ८ बजेतिर जलिरहेको अवस्थामा महोत्तरीको मनरासिसा नगरपालिका–२ कि २३ वर्षीया प्रियंका महतोको शव बरामद गरिएको जिल्ला प्रहरी कार्यालय धनुषाका प्रवक्ता डीएसपी रञ्जन अवाले जानकारी दिए ।
शव जलिरहेको स्थानीयले खबर गरेपछि प्रहरी टोली घटनास्थल पुगेको हो । उनको हत्या गरेर शव जलाएको हुन सक्ने प्रहरीको आशंका छ ।
शव पोस्टमार्टमका लागि प्रादेशिक अस्पताल जनकपुरमा राखिएको छ ।
प्रकाशित मिति: ६ बैशाख २०८१, बिहिबार