कर्पोरेट वुमन्स क्रिकेटको उपाधि सानिमा रिलायन्स लाईफलाई


 


काठमाडौं, जेठ २० । सानिमा रिलायन्स लाइफ इन्स्योरेन्सले कर्पोरेट वुमन्स क्रिकेटको उपाधि हात पार्न सफल भएको छ ।

जेष्ठ १८ र १९ गते रिभरसाइड रिसोर्ट कुरिनटारमा आयोजित उक्त टुर्नामेन्टको फाइनल खेलमा साविक विजेता सिटिजन्स बैकलाई हराउँदै सानिमा रिलायन्स लाईफको महिला क्रिकेट टिमले उपाधि हाँसिल गरेको हो ।

टुर्नामेन्टमा सानिमा रिलायन्स लाईफकै स्वस्तिका कार्कीले वेस्ट प्लेयर अफ द सिरिज, प्लेयर अफ द फाइनलतथा वेष्ट फिल्डरको अवार्ड समेत जित्न सफल भएकी थिइन् । साथै विभिन्न खेलमा सानिमा रिलायन्स लाईफकै इलिसा थापा, विमला पन्त तथा स्वस्तिका कार्कीले प्लेयर अफ द म्याच अवार्ड जित्न सफल भएका थिए ।

विजेता टिमको क्यापटेन स्वेता सिंह र टिम म्यानेजर संगिता गिरी रहेका थिए। आयोजक एनइभेन्टस् रहेको उक्तवुमन्स क्रिकेट टुर्नामेन्टको पदकहरु जित्न सफल टिमलाई कम्पनीको तर्फबाट बधाई ज्ञापन गरेको छ ।

प्रकाशित मिति: २० जेष्ठ २०८१, आइतबार

प्रतिक्रिया दिनुहोस्