झोलुंगे पुलमा फसेका ९ वटा खच्चडको उद्धार, दुई मरे
काठमाडौं, जेट २७ । अछाम र दैलेख जिल्ला जोड्ने कर्णाली नदीमाथिको झोलुंगे पुलको लट्ठा चुँडिदा फसेका ९ वटा खच्चडको जिवितै उद्धार गरिएको छ ।
उद्धार गर्ने क्रममा २ वटा खच्चडको मृत्यु भएको जिल्ला प्रशासन कार्यालय दैलेखका निमित्त प्रमुख जिल्ला अधिकारी गणेशप्रसाद कोइरालाले जानकारी दिए ।
अछामबाट दैलेख आउने क्रममा आज बिहान पुलको लट्ठा चुँडिदा १६ खच्चड फसेका थिए । बाँकी खच्चडको उद्धार गर्नै बाँकी छ । पुलबाटै उद्धार सम्भव नभएपछि तार काटेर कर्णालीमा खसाल्न थालिएको थियो ।
पुलबाट खसालिएका खच्चडलाई नदीमा डुंगाबाट उद्धार गरिएको थियो । यो झोलुंगे पुलले सुदूरपश्चिम र कर्णाली प्रदेशलाई जोड्ने गर्दछ ।
प्रकाशित मिति: २७ जेष्ठ २०८१, आइतबार
