एसएलसी नतिजा अाज, ११ बजे बोर्ड बैठक
![](https://www.deshkonews.com/wp-content/uploads/2015/05/SLC.jpg)
काठमाडौ, असार ४
प्राविधिकतर्फ कोही अनुत्तीर्ण नहुने
परीक्षा नियन्त्रण कार्यालय सानोठिमीले २०७१ को प्रवेशिका परीक्षाको नतिजा अाज सार्वजनिक गर्ने भएको छ ।
नतिजा आज दिउँसो साढे १२ बजे सार्वजनिक गर्ने भएको छ। परीक्षा नियन्त्रक विष्णुबहादुर द्वारेले आज साढे १२ बजे सानोठिमीस्थित शिक्षा विभागको सभा हलमा नतिजा सार्वजनिक गरिने जानकारी दिएका छन्। परीक्षाफल सार्वजनिक गर्न बिहान ११ बजे बोर्ड बैठक आह्वान गरिएको जानकारी दिए । गत वर्ष जेठ ३० गते नतिजा सार्वजनिक भए पनि यसवर्ष भूकम्पले कार्यालय भवनमा क्षति पुर्याएका कारण केही दिन ढिलो हुने भएको हो ।
प्राविधिकको एक साता ढिलो : कोही अनुत्तीर्ण नहुने
यस वर्षदेखि सुरु भएको प्राविधिकतर्फको प्रवेशिका परीक्षाको नतिजा भने एक साता ढिलो हुने र श्रेणीकरण पद्धतिबाट हुने बताउँदै परीक्षा नियन्त्रक द्वारेले भने –“५ बजेसम्म एसएलसी परीक्षाको नतिजा सार्वजनिक गर्नेछाै, त्यसको एक सातापछि मात्रै प्राविधिक एसएलसीको नतिजा सार्वजनिक हुनेछ ।”
यस वर्षको नियमित परीक्षामा पाँच लाख ७४ हजार ६८५, पुनःपरीक्षातर्फ एक लाख ४५ हजार १८३ तथा प्राविधिकतर्फ तीन हजार दुई सय ८८ छन् । परीक्षा गत वर्ष चैत ५ देखि १३ गतेसम्म सञ्चालन भएको थियो ।
प्रकाशित मिति: ४ असार २०७२, शुक्रबार