विद्युतीय निर्वाचन प्रणालीबारे प्रधानमन्त्रीले आयोग पदाधिकारीसँग जानकारी लिँदै



काठमाण्डौ, माघ २५

प्रधानमन्त्री पुष्पकमल दाहालले आज निर्वाचन आयोगका पदाधिकारीहरुसँग छलफल गर्दै छन । बिहान ११ बजेपछि निर्वाचन आयोगमा हुने छलफलमा विद्युतीय मतदान प्रणालीबारे छलफल हुने जनाएको छ । निर्वाचनका लागि तयारी थाल्न सरकारले आयोगलाई औपचारिक पत्रचार गरिसकेको अवस्थामा प्रधानमन्त्री दाहालले आज विद्युतीय निर्वाचन प्रणालीबारे आयोगका पदाधिकारीहरुसँग जानकारी लिन लागेका हुन ।

सो क्रममा आगामी निर्वाचनमा विद्युतीय निर्वाचन प्रणालीको प्रयोग कहाँ र कसरी गर्न सकिन्छ भन्नेबारे आयोगका पदाधिकारीहरुले प्रधानमन्त्री सहित सरकारका अन्य उच्च अधिकारीहरुलाई जानकारी गराउने प्रधानमन्त्रीको निजी सचिवालयले जनाएको छ ।

सरकारले जेठमा स्थानीय तहको निर्वाचन गराउने तयारी गरिरहेका बेला सम्भव भएका स्थानमा विद्युतीय प्रणालीको प्रयोग गर्न सकिने विषयमा आयोगका पदाधिकारी र प्रधानमन्त्रीबीच छलफल हुन लागेको हो ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News