काठमाडाैं, फागुन १४

सेन्टर फर मिडिया रिसर्च (सिएमआर) नेपालको अध्यक्षमा भुवन केसी चयन हुनु भएको छ । सिएमआर नेपालको आज बसेको साधारणसभाले उपाध्यक्षमा ऋषिकेश दाहाल, सचिवमा उमेश श्रेष्ठ, कोषाध्यक्षमा विकास कार्कीलाई चयन गरेको छ ।

सदस्यमा रजनीश भण्डारी, दीपक अर्याल र तृष्णा आचार्य चयन हुनु भएको छ । यस अघि सिएमआर नेपालको अध्यक्ष तिलक पाठक हुनुहुन्थ्यो । २०६७ सालमा स्थापना भएको सिएमआर नेपालले मिडिया र समसामयिक विषयमा अनुसन्धान गर्दै आएको छ ।