नेपाल बारको कार्यालयमा भेटिए तोपका गोला र हातहतियार

काठमाडौं । जेनजी आन्दोलनको क्रममा ध्वस्त भएको सर्वोच्च अदालत परिसरमा रहेको नेपाल बारको कार्यालयमा तोपका गोला पनि भेटिएको छ।

भदौ २३ र २४ गते भएको प्रदर्शनका क्रममा तोडफोड र आगजनी हुँदा बारको कार्यालयमा तोपका गोला पनि भेटिएको हो।

नेपाल बार एसोसियसनका महासचिव एवम् वरिष्ठ अधिवक्ता केदारप्रसाद कोइरालाले तोपका गोलासँगै अन्य हतियारहरू भेटिएको जानकारी दिए।

उनले भने- ‘सर्वोच्चमा तोपका गोलासँगै अन्य हातहतियार पनि भेटिएका छन् । तालिम प्राप्त समूहले आक्रमण गरेको देखियो।’