कांग्रेस उम्मेदवारका छोराको गोली हानी हत्या
![](https://www.deshkonews.com/wp-content/uploads/2016/09/goli.jpg)
रौतहट, असोज ९
रौतहटमा एकजनाको गोली हानी हत्या भएको छ । रौतहटको परोहा नगरपालिका–२ स्थित गजिँगडवा बेलविछवामा स्थानीय २५ बर्षीय अबु सयब अकबरको घरमै गोली हानी हत्या भएको प्रहरीले जनाएको छ ।
अकबर परोहा नगरपालिकाको वडा नम्बर २ मा कांग्रेसका वडा अध्यक्षका उम्मेदवार मौलाना शेराजुद्धिनका छोरा हुन । उनलाई माओवादी उम्मेदवारले पराजित गरेका थिए ।
छातीमा गोली लागि गम्भीर घाइते भएका अकबरको उपचारका लाागि अस्पताल लैजाँदै गर्दा बाटोमै ज्यान गएको प्रहरीले जनाएको छ । प्रहरीले घटनाका सम्बन्धमा थप अनुसन्धान गरिरहेको जनाएको छ ।
प्रकाशित मिति: ९ आश्विन २०७४, सोमबार