एक हप्तापछि प्रतितोला ४ सयले घट्यो सुन
काठमाडौं, असोज १२
सुनको मूल्यमा आज प्रतितोला ४ सय रुपैयाँले गिरावट आएको छ। नेपाल सुनचाँदी व्यवसायी महासंघका अनुसार सुनको भाउ मंगलबार प्रतितोला ५० हजार ६ सय रुपैयाँमा कारोवार भएको छ।
यसअघि सोमबार सुनको भाउ प्रतितोलाको ५१ हजार रुपैयाँ रहेको थियो। सुनको भाउ घटेसँगै चाँदीको भाउ पनि घटेको छ।
आज मंगलबार प्रतितोला ६ सय ८५ रुपैयाँमा चाँदीको कारोवार भइरहेको महासंघले जनाएको छ। यसअघि सोमबार चाँदी प्रतितोला ७ सय रुपैयाँमा कारोबार भएको थियो।
प्रकाशित मिति: १२ आश्विन २०७२, मंगलबार