शशांक कोइरालाले भने – आगामी चुनावमा कांग्रेस पहिलो पार्टी बन्छ



काठमाडौं, साउन २५

नेपाली कांग्रेसका महामन्त्री शशांक कोइरालाले आगामी निर्वाचनमा कांग्रेस पहिलो पार्टी बन्ने दाबी गरेका छन् । काठमाडौंमा शनिबार भएको कार्यक्रममा उनले कांग्रेसलाई एकताबद्ध बनाउँदै आगामी निर्वाचनमा पहिलो दलको रुपमा बिजयी गराउने प्रतिवद्धता व्यक्त गरे । आफुले जनताका लागि राजनीति गरेको उल्लेख गर्दै महामन्त्री कोइरालाले कांग्रेसलाई पहिलो पार्टीको रुपमा स्थापित गराई राष्ट्रको रुपान्तरण गर्ने बताए ।

कार्यक्रममा नेता गगन थापाले राज्य व्यवस्था नभई कार्यशैली परिवर्तन गर्नुपर्नेमा जोड दिए । राजनीतिक दलले काम गर्न सकेनन् भनेर राज संस्थानै ठिक भन्ने भनाइ पनि सुनिन थालेको भन्दै उनले राज्य व्यवस्था नभइ दल र तिनका नेतृत्वकर्ताले पुरानो कार्यशैली परिर्वतन गर्नुपर्ने आवश्यकता औल्याए ।

कार्यक्रममा नारी जागृति समाजद्वारा प्रेरक अभियन्ता भुवन गिरीबारेमा प्रकाशित ‘भुवन’ पुस्तक विमोचन गरिएको थियो ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News