पोखरा अपडेट आगलागी ३२ सटर खरानी



पोखरा– न्युरोडको एस मिनी मार्केटमा आगलागी हुँदा ३२ सटर जलेर खरानी भएका छन् । दिउँसो करिब ४ बजेर ३० मिनेट जाँदा सुरु भएको आगो ५ बजेर ४० मिनेटमा नियन्त्रणमा लिइएको जिल्ला प्रहरी कार्यालय कास्कीले जनाएको छ ।

मिनी मार्केटको ३२ वटा सटर ७ जनाले भाडामा लिएको खुल्न आएको जिल्ला प्रहरी कार्यालय कास्कीका प्रवक्ता डिएसपी राजकुमार केसीले जानकारी दिए । मिनी मार्केटका घरधनी यदुनाथ अधिकारी रहेको उनले बताए । उक्त मिनी मार्केटमा फम हाउस पर्दा, कार्पेट, फर्निचर, इलेक्ट्रिक, चश्मा पसल, खाजा घर, जुस पसल सञ्चालनमा रहेको उनले सुनाए ।

मिनी मार्केट भाडामा लिने मध्ये अशोक बम्जन, बबिता खाना घर, लिलाधर र ध्रुबबहादुर थापा गरि ४ जनाको मात्र परिचय खुल्न गएको उनले जानकारी दिए । विद्युतीय तार सट भएर आगलागी भएको हुनसक्ने अनुमान गरिएको उनले जनाए । आगलागीबाट भएको आर्थिक क्षति भने अझै खुल्न सकेको छैन । ‘त्यो त अझै खुल्न सकेको छैन,’ प्रवक्ता केसीले भने, ‘हामीले त उहाँहरुले भनेकै आधारमा भन्ने हो ।’

आगलागी नियन्त्रणका लागि सशस्त्र प्रहरी र नेपाल प्रहरीको टोली साथै स्थानीय पनि खटिएका थिए । आगलागी नियन्त्रणका लागि ४ दमकल र खानेपानीका ट्याङ्कर प्रयोग गरिएको थियो ।

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल इमेलः [email protected]
फोन : ०१-४१०७६६६
           
प्रकाशक / सम्पादक :ध्रुव सुवेदी
     
           
facebook
© 2019 Deshko News