अध्यक्ष प्रचण्डलाई भेट्दा चिनियाँ विदेशमन्त्री दंग, के भयो कुराकानी? (फाेटाे फिचर)
![](https://www.deshkonews.com/wp-content/uploads/2019/09/Prachanda-wang-yi1.jpg)
काठमाडौं, भदौ २४
नेपाल कम्युनिस्ट पार्टीका अध्यक्ष एवं पूर्वप्रधानमन्त्री पुष्पकमल दाहाल प्रचण्डले नेपाल भ्रमणमा रहेका चीनका विदेशमन्त्री वाङ यीसँग भेटवार्ता गरेका छन् । मंगलबार विहान नक्सालस्थित होटल मेरिनामा भएको भेटमा द्विपक्षीय सम्बन्ध, नेपालमा सञ्चालित चिनियाँ परियोजना, बिआरआई र चिनियाँ राष्ट्रपति सी चिनफिङको आसन्न नेपाल भ्रमण छलफल भएको अध्यक्ष प्रचण्डको सचिवालयले जानकारी दिएको छ ।
विदेशमन्त्री वाङसँग दुई देशबीचको मित्रतापूर्ण सम्बन्धलाई थप सुदृद्ध बनाउने विषयमा छलफल केन्द्रीत रहेको अध्यक्ष प्रचण्डले भेटपछि जानकारी गराए । नेपालको आर्थिक विकासको प्रयासमा चीनबाट हुने सहयोग र अपेक्षाका सँगसँगै दुई सहरकारकाबीचमा विगतमा भएको सहकार्य र सहयोगलाई थप विस्तार गर्ने विषयमा पनि छलफल भएको उनले बताए ।
अध्यक्ष प्रचण्डले चिनियाँ राष्ट्रपतिको आसन्न नेपाल भ्रमणबारे पनि विचारविमर्श भएको र छिट्टै नेपाल भ्रमणमा आउने संकेत पाएको बताए। भेट सकारात्मक र उत्साहप्रद रहेको भन्दै प्रचण्डले यसबाट दुई देशबीचको सम्बन्ध थप उचाईमा पुग्ने धारणा राखे । कम्युनिस्ट र माओवाद आन्दोलनका कमाण्डर भएर होला प्रचण्डसँग भेट्दा विदेशमन्त्री वाङ पनि प्रफुल्लित थिए ।
प्रकाशित मिति: २४ भाद्र २०७६, मंगलबार