गाउँपालिका अध्यक्ष चित्रबहादुर केसीको गाडीमा आगजनी


 


सल्यान, भदौ २९
सल्यानको शिद्ध कुमाख गाउँपालिकाको गाडीमा गएराति अज्ञात समूहले आगजनी गरेको छ ।

गाउँपालिकाको कार्यालयमै राखिएको टाटा कम्पनीको रा १ झ १०१७ नम्बरको गाडीमा राति करिब साढे ११ बजेको समयमा आगजनी भएको जिल्ला प्रहरी कार्यालय सल्यानले जनाएको छ ।

जिल्ला प्रहरी कार्यालयका प्रहरी नायव उपरीक्षक ढकेन्द्र खतिवडाले गाडीमा आगजनी कसले ग¥यो भन्नेबारे खुल्न नसकेको बताए ।

गाउँपालिकाकाले सो डबलक्याप स्कारपियो गाडी ३७ लाख ३० हजार रुपैयाँमा खरिद गरेको थियो । गाउँपालिकाका अध्यक्ष चित्रबहादुर केसीले यसअघि कहीँ कतैबाट डर धम्कीसमेत नआएकाले गाडी कसले जलाएको हो भनेर आशंका गर्न सकिने ठाउँ पनि नरहेको बताए ।

प्रकाशित मिति: २९ भाद्र २०७६, आइतबार

प्रतिक्रिया दिनुहोस्