काठमाडौं, कार्तिक ४
पछिल्लो समय निकै भाइरल बनेका अघोरी बाबाले अन्ततः विवाह गरेका छन् ।

युटुलगायत सामाजिक सञ्जालमा भाइरल बनेका बाबाले तीन महिना अघि नै बिहे गरेका हुन् । यद्यपि, उनले विहे भएको कुरा अहिले मात्रै सार्वजनिक गरेका हुन् ।

कार्यक्रमका लागि चितवन जाँदा उनले देवघाट मन्दिरमा पुगेर नदी किनारबाट आफूले विवाह गरेको कुरा भिडियोमार्फत सार्वजनिक गरे ।

सोहीक्रममा उनले देघाटलाई साँक्षी राखेर सात जुनीसम्म साथ नछोड्ने कसम पनि खाए । उनले आफूले मन मिल्ने साथी भएकाले विहे गरेको भन्दै खुशी व्यक्त गरेका छन् ।

‘लाइफ ड्यामेज’ भन्दै चर्चित बनेका बाबाले अबको बाँकी जीवन सुखका साथ काट्ने बताएका छन् । उनले बिहे गरेपनि बाबाको रुपमा नै रहनेसमेत बाएका छन् । उनले आफ्नो ‘लाइफ ड्यामेज’ नभएर ‘म्यानेज’ भएको बताए ।