लागूऔषधसहित दुई भारतीय नागरिक पक्राउ

धनगढी, कात्तिक १७
लागूऔषध ओसार पसार तथा कारोबारमा संलग्न दुई भारतीय नागरिक धनगढीबाट पक्राउ परेका छन् । भारतको लखिमपुर खिरीका २५ वर्षीय रहेमत अली र सोही ठाउँकै ३१ वर्षीय मोहमख अपजललाई सशस्त्र प्रहरीको टोलीले पक्राउ गरेको हो ।

सशस्त्र प्रहरी बल नेपाल नम्बर ५३ गुल्म हेडक्वाटरको टोलीले उनीहरुलाई त्रिनगर सीमा नाकाबाट पक्राउ गरेको हो ।

उनीहरुको साथबाट एक सय मिलिलिटरका ४७ बोलत कोरक्स बरामद गरिएको गुल्मले जनाएको छ । उनीहरुबाट युपी ३१ जे ४१०७ नम्बरको मोटरसाइकल पनि सशस्त्र प्रहरीले बरामद गरेको छ ।