विश्वभर कोरोनाले १ लाख ३२ हजार बढीकाे मृत्यु, संक्रमितको संख्या २० लाख नाघ्यो



एजेन्सी, बैशाख ४
विश्वरभ कोरोनाबाट संक्रमितहरुको संख्या २० लाख नाघेको छ । बुधबार साँझको तथ्याँकअनुसार विश्वभर २० लाख ५१ हजार ३१ जना कोरोनाबाट संक्रमित भएका छन् । त्यस्तै संक्रमणबाट विश्वभर मृत्यु हुनेको संख्या १ लाख ३२ हजार ८ सय ९२ पुगेको छ ।

बुधबार सबैभन्दा बढी अमेरिकामा १५ सय ३९ जनाको मृत्यु भएको छ भने फ्रान्समा १४ सय ३८ जनाको मृत्यु भएको छ । त्यस्तै इटालीमा ५ सय ७८, स्पेनमा ३ सय २४ जनाको मृत्यु भएको छ । अमेरिकामा संक्रमित हुनेहरुको संख्या ६ लाख २२ हजार ९ सय २३ पुगेको छ भने फ्रान्समा संक्रमित हुनेको संख्या १ लाख ४७ हजार ८ सय ६३ पुगेको छ ।

त्यस्तै इटालीमा १ लाख ६५ हजार १ सय ५५ जना संक्रमित भएका छन् भने स्पेनमा १ लाख ७७ हजार ६ सय ३३ जना संक्रमित भएका छन् ।

त्यस्तै बुधबार बेलायतमा ७ सय ६१ जनाको मृत्यु भएको छ भने संक्रमित हुनेहरुको संख्या ९८ हजार ४ सय ७६ पुगेको छ । अहिले सम्म अमेरिकामा २७,५८६, फ्रान्समा १७, १६७, इटालीमा २१,६४५, स्पेनमा १८,५७९ र बेलायतमा १२,८६८ जनाको मृत्यु भएको वल्ड्रोमिटरले जानकारी दिएको छ ।

अमेरिकी राष्ट्रपति डोनल्ड ट्रम्पलगायतक विभिन्न स्वास्थ्य विशेषज्ञले अबको दुई हप्ता अमेरिकीहरुका लागि सबैभन्दा पीडादायी समय हुने चेतावनी पनि दिँदै आएका छन्

यसैबीच डब्लुएचओ, विश्व ब्यांक र अन्तराष्ट्रिय मुद्रा कोषले विकासोन्मुख देशमा अर्थतन्त्र तहसनहस नहोस् भन्दै त्यहाँ ऋण सहायताको लागि आग्रह गरेका छन्। डब्लुएचओ प्रमुखले सरकारहरूले जोखिममा रहेका समुदायलाई खाद्यान्न र अन्य आधारभूत सेवा उपलब्ध गराउनुपर्ने बताएका छन्।

विश्व स्वास्थ्य सङ्गठनले यसलाई ‘विश्वव्यापी महामारी’को सङ्ज्ञा दिएको छ। चीनबाट सुरु भएको कोभिड–१९ अर्थात् नयाँ कोरोनाभाइरसको सङ्क्रमण नियन्त्रण गर्न सबै देशले विभिन्न उपाय अपनाएका छन्। तर उक्त सङ्क्रमण र त्यसबाट हुने मृत्यु रोकिएको छैन। अहिले चीनमा सङ्क्रमणको दर घटेको छ भने युरोप महामारीको केन्द्रबिन्दु बनेको बीबीसीले जनाएको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News