भारतीय प्रधानमन्त्री मोदीलाई बमले उडाउने चेतावनी, सुरक्षा व्यस्था कडा पारियो
काठमाडौं, असोज १२
भारत र पाकिस्तानबीच तनाव बढिरहेकै बेला भारतीय प्रधानमन्त्री नरेन्द्र मोदीलाई बम हान्ने चेतावनी आएको छ ।
भारतीय सञ्चारमाध्यमका अनुसार अज्ञात व्यक्तिले प्रहरीलाई फोन गरी मोदीको कोझिकोड भम्रणको क्रममा बम हान्ने चेतावनी दिएका हुन् । अहिले प्रहरीले चेतावनी दिनेको खोजी गरिरहेको छ ।
मोदी भारतीय जनता पार्टीको राष्ट्रिय परिषद बैठकका लागि कोझिकोड भम्रण गर्न लागेका बेला अज्ञात नम्बरबाट बम हान्ने चेतावनी आएको हो ।
उक्त चेतावनी पछि मोदीको भ्रमणमा तीन किमी टाढा सम्मका प्रत्येक क्रियाकलाप निगरानीमा राखिएको र मोदीको सुरक्षाका लागि ७ घेरामा सुरक्षाबल खटाइएको सामाचारमा उल्लेख गरिएको छ ।
प्रकाशित मिति: १२ आश्विन २०७३, बुधबार
