कति बढ्यो आज सुनको मूल्य ?
काठमाडौं, असोज २५
सुनचाँदीको मूल्य आज बढेको छ । सुन आज तोलामा आठ सय रुपैयाँ बढ्दै प्रतितोला ९५ हजार ६ सय रुपैयाँ पुगेको छ ।
सुन हिजो प्रतितोला ९४ हजार आठ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै, आज चाँदीको मूल्य पनि तोलामा एकैपटक ४० रुपैयाँ बढ्दै प्रतितोला १ हजार दुई सय ३५ रुपैयाँ पुगेको छ । चाँदी हिजो तोलामा एक हजार एक सय ९५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
प्रकाशित मिति: २५ आश्विन २०७७, आइतबार