भ्रष्टाचारीलाई यसरी लखेटेरै कार्वाही गर्दै छ चीनले
एजेन्सी ।
अन्तिम तीन वर्षमा चीनमा १० लाख भन्दा बढी भ्रष्टाचारीलाई कार्वाही गरिएको छ ।
सत्तारुढ चिनियाँ कम्युनिष्ट पार्टीले अन्तिम तीन वर्षमा भ्रष्टाचारमा संलग्न १० लाख भन्दा बढीलाई सजाय दिएको विविसिले जनाएको छ ।
त्यस्तै भ्रष्टाचारको अभियोग लागेपछि विदेशमा गएर बसेका ४ सय ९ जनालाई यो वर्ष विदेशमै सोधपुछ गरिएको छ । चीनको राजधानी बेइजिङमा भएकोे एक गोप्य बैठकमा चीनका वरिष्ठ अधिकारीहरुले यो आंकडा सार्वजनिक गरेको हो ।
यद्यपि भ्रष्टाचारीलाई के कार्वाही गरियो भन्नेबारे उल्लेख गरिएको छैन । राष्ट्रपति सि जिङपिङले सत्ता सम्हाले यता चीनमा भ्रष्टाचार विरोधी अभियान तिब्र बनाइएको छ ।
प्रकाशित मिति: ९ कार्तिक २०७३, मंगलबार
