काठमाडौं, कात्तिक १४
प्रधानमन्त्री पुष्पकमल दाहाल प्रचण्डले प्रमुख प्रतिपक्ष एमाले लगायत दलहरुबीचको तिक्तता कम हुँदै गएको बताएका छन् ।

तिहारको अवसरमा आइतबार प्रधानमन्त्री निवास बालुवाटार पुगेको रिपोर्टस क्लबको देउसी भैलो टोलीसँग कुरा गर्दै प्रधानमन्त्री प्रचण्डले पछिल्लो समय प्रतिपक्षी एमाले लगायतका दलहरुसंगको तिक्तता कम हुँदै गएको बताए ।

उनले आफू प्रधानमन्त्रीमा निर्वा्चित हुँदा दलहरुबीच केही दूरी बढे पनि निरन्तरको संवाद र छलफलले दलहरूसँगको सहमतिको वातावरण बन्दै गएकोे दाबी गरे ।

प्रधानमन्त्री प्रचण्डले दलीय सहमतिमा संविधान संशोधन गरी त्यसको स्वीकार्यतालाई फराकिलो पार्न सरकार लागि परेको र त्यसको लागि मिडियाले पनि सशक्त भूमिका निर्वाह गर्नुपर्ने बताए ।

प्रधानमन्त्री दाहाल रिपोर्टस क्लबको देउसी भैलो टोलीसँगै  नाचेका पनि थिए ।