नेपालका राष्ट्रपतिको भारत भ्रमणका लागि तयारी थालिँदै



bhandariकाठमाडौं, कात्तिक १९

सरकारले भारतीय राष्ट्रपति प्रणव मुखर्जीको नेपाल भ्रमणले दुई देशबीचको आपसी सम्बन्ध थप सुमधुर बनाएको विश्वास गर्दै नेपालका राष्ट्रपतिको भारत भ्रमणका लागि तयारी गरेको छ ।

आज बसेको मन्त्रिपरिषद बैठकमा भारतीय राष्ट्रपतिको नेपाल भ्रमणले दुई देशबीच देखिएको दुरी कम गरेको ठहरसहित राष्ट्रपति विद्या भण्डारीको भारत भ्रमणका लागि तयारी गर्न परराष्ट्र मन्त्रालयलाई निर्देशन दिएको हो ।

बैठकले उच्चपदस्थ व्यक्तिको सुरक्षा व्यवस्था मिलाउन सरकार सफल रहेको निष्कर्ष पनि निकालेको छ ।
सरकारले निक्षेप तथा कर्जा सुरक्षण निगमको अध्यक्षमा राजस्व सचिव राजन खनाललाई नियुक्त गर्ने निर्णयसमेत गरेको सन्चारमन्त्री सुरेन्द्रकुमार कार्कीले जानकारी दिए ।

यस्तै, मन्त्रिपरिषद बैठकले ख्वप विश्वविद्यालयसम्बन्धी विधेयक संसदको विधायन समितिमा पठाउने निर्णय पनि गरेको छ ।

यसैगरी, उपेक्षित उत्पीडित दलित वर्ग उत्थान विकास समितिको अध्यक्षमा बुद्धिबहादुर नेपाललीलाई नियुक्त गर्ने निर्णय पनि मन्त्रिपरिषद बैठकले गरेको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News