काठमाडौं, जेठ ४
भारतीय प्रधानमन्त्री नरेन्द्र मोदीको लुम्बिनी भ्रमणको भोलिपल्ट नेपालका लागि भारतीय राजदूतमा नवीन श्रीवास्तव नियुक्त भएका छन् ।

भारतको विदेश मन्त्रालयले श्रीवास्तवको नियुक्तिको घोषणा गरेको हो।

भारतीय विदेश मन्त्रालयले श्रीवास्तवलाई राजदूत नियुक्त गरिएको औपचारिक जानकारी दिएको छ ।

श्रीवास्तव, १९९३ ब्याचका भारतीय विदेश सेवा, हाल एमईएमा अतिरिक्त सचिवको रूपमा सेवा गरिरहेका छन् ।

नेपालका लागि भारतीय राजदूत विनय मोहन क्वात्रा भारतको विदेश सचिवमा बढुवा भएर गएपछि राजदूत पद खाली रहेको थियो ।

श्रीवास्तवलाई नेपाल-भारतबीचको चिसिएको सम्बन्धलाई अगाडि बढाउने जिम्मेवारीसहित राजदूतमा सिफारिस गरिएको वताइएको छ।

श्रीवास्तव चीनसँग कुटनीतिक तथा सैन्य संवादका लागि महत्त्वपूर्ण भूमिका खेलेर भारतमा प्रशंसा पाएका व्यक्ति हुन्।