बुटबल, कार्तिक २७
राप्रपा नेपालका अध्यक्ष कमल थापाले सरकारको सय दिनलाई दशैं तिहारको मनोरञ्जन जस्तै भएको संज्ञा दिएका छन् । रिपोटरर्स क्लव लुम्बिनीद्धारा आज बुटवलमा आयोजित कार्यक्रममा बोल्दै उनले यस्तो विचार व्यक्त गरेका हुन ।

उनले राजनैतिक दलहरु सत्ताखेलमा लागेका कारण संविधान कार्यान्वयन र निर्वाचनमा आशंका उब्जिएको बताउदै भने, ‘दलहरु मिल्न आवश्यक छ ।’ लोकमान प्रकरण बारे संचारकर्मीहरुको जिज्ञासामा नेता थापाले यत्रो महत्वपूर्ण बिषयमा दलहरुसंग परामर्श नगर्नु गलत भएको भन्दै आफ्नो पार्टीले उचित समयमा उचित निर्णय लिनेछ भने ।

मदेशका समस्या चाडो समाधान गर्न नसके संविधान कार्यान्वयनमा कठनि हुने समेत राप्रपा नेपालका अध्यक्ष थापाको भनाई थियो ।