काठमाडौं,कात्तिक २८

अपराध अनुसन्धानलाई प्रभावकारी बनाउन नेपाल प्रहरीले तीक्ष्ण क्षमता भएका ९ ओटा कुकुर ल्याउने भएको छ ।

नेपाल प्रहरीको कुकुर तालिम स्कुलले संयुक्त राज्य अमेरिकाबाट ‘ब्लड हाउन्ड’ र ‘बेल्जियन सेफर्ड’ प्रजातिका त्यस्ता कुकुर ल्याउन लागेको हो ।

९ मध्ये ६ ओटा नेपाल प्रहरीले खरिद गरेर र तीन ओटा अमेरिकी सहयोगमा ल्याउन लागेको हो ।

अपराध अनुसन्धानलाई प्रभावकारी बनाउन तालिमप्राप्त दक्ष कुकुरको आवश्यकता पर्ने भएकाले ती कुकर खरिद गर्न लागिएको स्रोतको दाबी छ । खरिद गर्न लागिएका ती कुकुरहरू हाल प्रहरीसँग भएकाभन्दा निकै सुघ्ने क्षमता र निकै तीक्ष्ण भएको प्रहरीको दाबी छ ।

स्रोतका अनुसार यहाँका कुकुरले ६० घण्टासम्मको सुघ्ने क्षमता राख्छन् । तर, अहिले खरिद गर्न लागिएका कुकुरले घटना भएको ९० घण्टासम्मको अवस्थालाई सँुघेर पत्ता लगाउन सक्छन् । आजको राजधानी दैनिकमा समाचार छ ।