रसुवागढी नाका चार दिन बन्द
काठमाण्डौ ,कार्तिक २९
नेपाल र चीनबीच सञ्चालनमा रहेको व्यापारिक नाका रसुवागढी चार दिन बन्द हुने भएको छ ।
भूकम्पपछि बिग्रिएको सडक मर्मत गर्ने क्रममा विष्फोटक पदार्थ प्रयोग गर्नुपर्ने भएपछि चिनियाँ पक्षले सुरक्षाको कारण देखाउँदै एकतर्फी रुपमा चार दिन यातायात संचालनमा रोक लगाएको हो ।
चीनतर्फको खम्बाटारदेखि केरुङसम्मको सडक मर्मत गर्नुपर्ने भएको छ ।
आइतबारदेखि चार दिनसम्मका लगि नाका बन्द भएपछि चिनियाँ पर्यटकको आवागमन समेत ठप्प भएकोे छ भने आवश्यक सामग्री ल्याउन लागेका व्यवसायी पनि समस्यामा परेका छन् ।
प्रकाशित मिति: २९ कार्तिक २०७३, सोमबार
