देशैभर लोडसेडिङ अन्त्य हुने: घिसिङ



kulman-ghisingकाठमाण्डौ , कार्तिक ३०

नेपाल विद्युत प्राधिकरणका प्रबन्ध निर्देशक कुलमान घिसिङले काठमाडौंलाई लोडसेडिङमुक्त बनाउने र विस्तारै काठमाडौं बाहिर पनि लोडसेडिङ अन्त्य गर्ने गरी काम भैरहेको बताएका छन् ।

राजधानीमा आयोजित विशेष साक्षात्कारमा प्रबन्ध निर्देशक घिसिङ्ले काठमाडौंलाई पूर्ण रुपमा लोडसेडिङमुक्त बनाउने काम भैरहेको र विस्तारै काठमाडौंबाहिर पनि सकेसम्म थोरै भन्दा थोरै लोडसेडिङ गर्ने योजनाका साथ अहिले काम भैरहेको बताएका हुन् ।

उनले लोडसेडिङ अन्त्य गर्छु भनेर हिँड्ने काम होईन भन्दै व्यवस्थापन महत्वपूर्ण कुरा रहेको पनि बताए ।

व्यवस्थापनमा बढि ध्यान दिँदा अहिले तिहार यता काठमाडौंमा लोडसेडिङ् नभएको उनले जिकिर गरे ।

उनले यो आफू एक्लैले नभै वर्तमान सरकारको चाहना र उर्जामन्त्री जनार्दन शर्माले जारी गरेको ३७ बुँदे कार्यक्रमलाई स्पेशल फोकस गरेर काम भैरहेको पनि उल्लेख गरे ।

अहिलेको दुई महिना आफुहरु लोडसेडिङ नगर्न सफल भए वर्षैभरि लोडसेडिङमुक्त गर्न सक्ने समेत उनले बताए ।

घिसिङले अहिले काठमाडौं उपत्यका बाहिर पनि बेलुका एक घण्टादेखि डेढ घण्टासम्म मात्रै लोडसेडिङ हुने गरेको पनि स्पष्ट पारे ।

साथै अहिले कुलेखानी नचलाइएको र मंसिरदेखि बैशाखसम्म ४ घण्टासम्म चल्न सक्ने भन्दै उनले कुलेखानी रित्याएको भन्ने भनाईको खण्डन पनि गरे ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News