प्रेमिकाको हत्यापछि प्रेमीले गरे आत्महत्याको प्रयास
संखुवासभा, जेठ १२
संखुवासभामा प्रेमिकाको हत्या गरी प्रेमीले पनि आत्महत्याको प्रयास गरेका छन् । जिल्लाको खाँदबारी–१ घिमिरे गाउँमा प्रेमीले आफूलाई पनि खुकुरी प्रहार गरी गम्भीर घाइते भएका हुन् ।
जिल्ला प्रहरी कार्यालय संखुवासभाका अनुसार खाँदबारीमा डेरा गरी बस्दै आएकी युना दर्नाललाई शुक्रबार बिहान सभापोखरी गाउँपालिका १ का नन्दराम गदालले हत्या गरका छन् । उनले आफ्नै पेटमा पनि खुकुरी प्रहार गरेर गम्भीरर घाइते भएका हुन् ।
सभापोखरी-१ का मृतक दर्नाल खाँदबारीमा डेरामा बस्दै आएकी थिइन् । दर्नानलको घटनास्थलमै मृत्यु भएको प्रहरीले जनाएको छ । घाइते गदालको जिल्ला अस्तपाल खाँदबारीमा उपचार भइरहेको छ ।
घाइते २१ वर्षीय गदाल बिहीबार मात्र नेपाल प्रहरीको ३ महिने तालिम सकेर खाँदबारी आएको खुलेको छ। घटनाको थप अनुसन्धान भइरहको जिल्ला प्रहरी कार्यालय संखुवासभाले जनाएको छ ।
प्रकाशित मिति: १२ जेष्ठ २०८०, शुक्रबार
