दक्षिण सुडानमा चरम भोकमरी



जुवा (दक्षिण सुडान), माघ २२

संयुक्त राष्ट्रसङ्घको मानवीय सहयोग मामिला हेर्ने सङ्गठन (ओसिएचए)ले दक्षिण सुडानका द्वन्द्वग्रस्त समुदायमा खाद्यान्न अभाव हुने खतरा रहेको बताएको छ ।

ओसिएचएको खाद्यान्न सुरक्षा तथा जीवनयापन मामिला विज्ञले दक्षिण सुडानी नागरिकले सन् २०१७ को फेबु्रअरीदेखि जुलाईसम्म गम्भीरखालको खाद्यान्न समस्या भोग्ने अवस्था आएको बताएका सङ्गठनको पछिल्लो प्रतिवेदनमा जनाइएको छ ।

दक्षिण सुडानमा सो समय स्थानीय बाली भित्र्याउने समय भए पनि कुपोषणको अवस्था असाध्यै तीव्र रहेको ओसिएचएले सन् २०१६ को सेप्टेम्बरदेखि नोभेम्बरसम्म गरेको सर्भेक्षणले जनाएको हो ।

सर्भेक्षणले दक्षिण सुडानमा खाद्यान्न सङ्कट उच्च बन्नुमा मुद्राको अवमूल्यन, मुख्य सडकमा रहेको असुरक्षा, औसतभन्दा कम उत्पादन, स्थानीय बजारमा खाद्यान्न भण्डारणको कमी देखाएको छ ।

मुद्राको अवमूल्यन र खाद्यान्न भण्डारणलगायतमा कमी हुँदा यहाँ खाद्यान्नको मूल्य वृद्धिमा अहिलेसम्मकै उच्च देखिएको अध्ययन प्रतिवेदनमा देखाइएको छ ।

खासगरी जुवा, वाउ र अवैलीजस्ता सहरी क्षेत्रमा पनि बसोबास गर्ने करिब चार लाख मानिसको उच्च खाद्य सङ्कटको पीडा भोग्न बाध्य रहेका राष्ट्रसङ्घले जनाएको छ । रासस/सिन्ह्वा

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News