वैदेशिक अध्ययनमा १० महिना : १ खर्ब १२ अर्ब रुपैयाँ विदेशियो

काठमाडौं । नेपालबाट अध्ययनमा जाने विद्यार्थीसँगै १ खर्ब १२ अर्ब ४४ करोड रुपैयाँ बराबरको विदेशी मुद्रा विदेशिएको छ ।

नेपाल राष्ट्र बैंकका अनुसार वैशाख मसान्तसम्म शिक्षातर्फको व्यय सो रकम बराबर देखिएको हो ।

अघिल्लो वर्ष १० महिनामा शिक्षामा १ खर्ब ४ अर्ब रुपैयाँ विदेशिएको थियो ।

शिक्षा र नेपालबाट विदेश घुमफिरमा जाने नेपालीसँगै १ खर्ब ८५ अर्ब ३ करोड रुपैयाँ विदेशिएको छ ।

यो अघिल्लो आवको यसै अवधिको तुलनामा १७.९ प्रतिशतले बढेको हो ।