नेकपा एसका तीनवटै कमिटीको बैठक मिति सर्यो
काठमाडौं । नेकपा एकीकृत समाजवादीले तीनवटैै कमिटी बैठकको मिति सरेको छ ।
चाडपर्वको कारणले पार्टी स्थायी कमिटी, पोलिटब्युरो र केन्द्रीय कमिटी बैठकहरुको मिति सारेको एकीकृत समाजवादीले जनाएको छ ।
अब स्थायी कमिटी बैठक आगामी भदौ २५ गते, पोलिटब्युरो बैठक भदौ २६ गते र केन्द्रीय कमिटी बैठक भदौ २८ गते बस्ने पार्टीले जनाएको छ।
स्थायी कमिटी बैठक र पोलिटब्युरो बैठक पार्टी कार्यालयमा बिहान ११ बजे बस्नेछ ।
यसअघि, स्थायी कमिटी बैठक भदौ ४ गते, पोलिटब्युरो बैठक भदौ ५ गते र केन्द्रीय कमिटी बैठक भदौ ७ र ८ गते मिराकल पार्टी भेनु सुकेधारामा बस्ने तय भएको थियो ।
प्रकाशित मिति: २६ श्रावण २०८२, सोमबार
