नुवाकोटमा बाँदर आक्रमणबाट एक जनाको मृत्यु

काठमाडौं । नुवाकोटमा बाँदरको आक्रमणबाट एक जनाको मृत्यु भएको छ ।

जिल्लाको पञ्चकन्या गाउँपालिका वडा नम्बर–२ मा मकैबारीमा बाँदर धपाउन गएका ५८ वर्षीय गोकर्ण नेपालीको मृत्यु भएको हो।

मकैबारीमा बेहोस अवस्थामा भेटिएका नेपालीलाई उपचारका लागि अस्पताल लैजाँदै गर्दा बाटोमै उनको मृत्यु भएको प्रहरीले जनाएको छ ।

अचेत भएका उनलाई स्थानीयले उद्धार गरी उपचारका लागि काठमाडौँ ल्याउँदै गर्दा मृत्यु भएको हो।