अरिंगालको टोकाइबाट ७ वर्षीय बालकको मृत्यु, पाँचजना गम्भीर घाइते

रोल्पा । रोल्पामा अरिंगालले टोक्दा एक बालकको मृत्यु भएको छ भने पाँचजना बालबालिका गम्भीर घाइते भएका छन्।

जिल्लाको त्रिवेणी गाउँपालिका-७ गैरीगाउँस्थित वीरेन्द्र माविमा अध्ययनरत ७ वर्षीय मोहन परियारको उपचारका क्रममा विहीवार मृत्यु भएको हो।

बिहीबार विद्यालयबाट घर फर्कँदै गरेका ६ जना बालबालिकाको समूहलाई अरिंगालले टोकेको थियो।

घाइते पाँच जना बालबालिकाको अवस्था गम्भीर रहेको प्रहरीले जनाएको छ।

उनीहरुलाई थप उपचारका लागि घोराहीस्थित राप्ती स्वास्थ्य विज्ञान प्रतिष्ठानमा लगिएको छ।