उखु किसानद्वारा सरकारविरुद्ध माइतीघरमा धर्ना र नाराबाजी
काठमाडौँ । गत आ. व. २०८१/८२ को उखु बक्यौता अनुदान प्रतिक्विन्टल ७० रुपैयाँ भुक्तानी गर्न दबाब दिँदै आएका उखु किसानहरूले शुक्रबार पनि काठमाडौँमा धर्ना दिएका छन्।
उखु उत्पादक सङ्घ नेपालले नेतृत्व गरेको आन्दोलनमा किसानहरूले मूल्य निर्धारणमा सहभागिता सुनिश्चित गर्न, अनुदान तत्काल उपलब्ध गराउन र उखुमा लाग्ने भ्याट खारेज गर्न सरकारसमक्ष मुख्य माग राखेका छन्। धर्ना क्रममा उनीहरूले सरकारविरुद्ध चर्का नाराबाजी समेत गरेका छन्।
१३ जिल्लाबाट आएका किसानहरूले आफ्नो माग सम्बोधन नभएसम्म आन्दोलन जारी राख्ने चेतावनी दिएका छन्।
प्रकाशित मिति: १३ भदौ २०८२, शुक्रबार
