कपिलवस्तुमा शंकास्पद वस्तु फेला
कपिलवस्तु । कपिलवस्तु जिल्लाको यशोधरा गाउँपालिका–१ रङ्गपुरतर्फ जाने जमुवार खोला पुलमा शंकास्पद वस्तु फेला परेको छ ।
जिल्ला प्रहरी कार्यालय कपिलवस्तुका अनुसार मंगलबार बिहान शंकास्पद वस्तु फेला परेको हो । स्थानीयवासीले पुलमाथि रातो कपडाले बेरिएको वस्तु देखेपछि तत्काल प्रहरीलाई खबर गरेका थिए ।
जानकारी पाएलगत्तै प्रहरीको टोली घटनास्थल पुगेको छ । प्रहरीका अनुसार घटनास्थलमा थप अनुसन्धानका लागि नेपाली सेनाको टोली समेत केहीबेरमै पुग्ने तयारी भइरहेको छ।
शंकास्पद वस्तु सुरक्षित रुपमा डिस्पोज गरिने र घटनाबारे विस्तृत अनुसन्धान भइरहेको प्रहरीले जनाएको छ ।
प्रकाशित मिति: १७ भदौ २०८२, मंगलबार
