देशभर अझै १८ राजमार्ग पूर्णरूपमा अवरुद्ध (सूचीसहित)
काठमाडौं । वर्षापछिको बाढीपहिरोका कारण बागमती र कोशी प्रदेशका १८ ठाउँमा सडक पूर्णरूपमा अवरुद्ध छन्।
केही सडकमा भने एकतर्फी गाडी गुडिरहेका प्रहरीले जनाएको छ। बागमतीमा ११ र कोशीका आठ ठाउँमा सडक अवरुद्ध भएका हुन् ।
नेपाल प्रहरीका अनुसार बागमती प्रदेशमा पासाङ ल्हामु सडक, अरनिको राजमार्ग, बीपी राजमार्ग, कान्ति लोकपथ, मदन भण्डारी राजमार्ग र मध्यपहाडी लोकमार्ग बन्द छन् । यसैगरी नेपाल-चीन जोड्ने सीमा सडक, कुलेखानी-सिस्नेरी-दक्षिणकाली-काठमाडौं सडक खण्ड पनि पूर्णरूपमा अवरुद्ध छ।
यस्तै कोशीमा कोशी राजमार्ग, सिद्धीचरण राजमार्ग, मध्यपहाडी लोकमार्ग, मेची राजमार्गका विभिन्न ठाउँमा पहिरोले सडक अवरुद्ध छ।
प्रकाशित मिति: २० आश्विन २०८२, सोमबार
