झण्डै ६ हजारले घट्यो सुनको मूल्य, चाँदीको के भयो ?

काठमाडौँ । नेपाली बजारमा आज सुनचाँदीको मूल्य घटेको छ ।

आज सुन तोलामा पाँच हजार आठ सय रुपैयाँले घटेर २ लाख ८५ हजार ५ सय रुपैयाँ कारोबार भइरहेको नेपाल सुनचाँदी व्यवसायी महासंघले जनाएको छ ।

बिहीबार भने सुन प्रतितोला २ लाख ९१ हजार ३ सय रुपैयाँमा कायम भएको थियो ।

यस्तै, आज चाँदीको मूल्य पनि घटेको छ । आज चाँदी तोलामा १५५ रुपैयाँले घटेर चार हजार ३५० रुपैयाँमा कारोबार भइरहेको महासंघले जनाएको छ ।

बिहीवार चाँदी चार हजार ५ सय ५ रुपैयाँ कायम भएको थियो ।