सुनको मूल्य हालसम्मकै उच्च, तोलाको दुई लाख ३३ हजार नाघ्यो
काठमाडौं । नेपाली बजारमा सुनको मूल्य हालसम्मकै उच्च विन्दुमा पुगेको छ ।
आज सुन प्रतितोला दुई हजार ३०० रुपैयाँले बढेर दुई लाख ३५ हजार ४०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
सोमबार सुन दुई लाख ३३ हजार १०० रुपैयाँमा कारोबार भएको थियो । असोज ८ गते दुई २३ हजार रुपैयाँमा कारोबार भएको थियो । त्यसयता सुनको मूल्य १२ हजार ४०० रुपैयाँ बढेको छ ।
यस्तै आज चाँदीको मूल्य स्थिर छ । आज चाँदी प्रतितोला दुई हजार ९६० रुपैयाँमा कारोबार भइरहेको महासंघले जनाएको छ ।
सोमबार पनि चाँदी यही मूल्यमा कारोबार भएको थियो ।
प्रकाशित मिति: २१ आश्विन २०८२, मंगलबार
