कलाकार खतिवडासहित तीनजना पक्राउ, चिनियाँ नागरिकलाई ठगेको आरोप
काठमाडौं । अध्यागमन विभागको हिरासतमा रहेका चिनियाँ नागरिकहरूलाई छुटाइदिने भनी ठगी गरेको आरोपमा तीनजना पक्राउ परेका छन् ।
पक्राउ पर्नेमा हास्य कलाकार नारद खतिवडा, गोपालकुमार गुरूङ र विक्रमबहादुर थापा रहेका छन् ।
उनीहरूलाई काठमाडौं उपत्यका अपराध अनुसन्धान कार्यालयले पक्राउ गरेको हो ।
अध्यागमन विभागको कालिकास्थानस्थित हिरासतमा ९ जना चिनियाँ नागरिक राखिएका छन् । प्रहरीका अनुसार विभागको नियन्त्रणमा रहेका १५ वटा राहदानीसमेत झिकाइदिने भनी उनीहरूले ठगी गरेका हुन् ।
उनीहरूले ९ लाख रूपैयाँ ठगेको आरोप छ । उनीहरुमाथि थप अनुसन्धान भइरहेको प्रहरीले जनाएको छ ।
प्रकाशित मिति: ६ श्रावण २०८३, बुधबार
