कोलम्बियामा आर्थिक, सामाजिक तथा पर्यावरणीय आपतकालको घोषणा



एजेन्सी ,चैत्र २२
कोलम्बियामा लगातारको वर्षासँगै आएको बाढी तथा पहिरोमा परि दुई सय भन्दा धेरैको ज्यान गएपछि राष्ट्रिय आपतकालिन अवस्थाको घोषणा गरिएको छ । मोकोएमा गएको पहिरोमा परि ज्यान गुमाएका पहिलो व्यक्तिको अन्तिम संस्कार गरेलगतै राष्ट्रपति आन म्यानुएल सान्तोसले देशमा आर्थिक, समाजिक तथा पर्यावरणीय आपतकालको घोषणा गरेका छन  ।

नेपाली समय अनुसार शनिबार बेलुका गएको पहिरोमा परि दुई सय ६२ जनाको ज्यान गएको पुष्टि भएको छ । उनीहरुको सबैको सामूहिक श्रद्धान्जली सभा पनि गरिएको छ । पहिरोमा परि हराएको खोजी तथा राहतको काम अहिले पनि भइरहेको छ । चार सय भन्दा बढी मानिस घाइते भएको घटनामा दुई सय भन्दा धेरै अझै हराइरहेका छन् ।

घटनाको ७२ घण्टा बितिसकेकाले हराएको जीवितै उद्धार गर्ने सम्भावना टरेको रेड क्रसले जनाएको छ । कोलम्बिया सरकारले पहिरो प्रभावितको सहयोगका लागि एक करोड ३९ लाख अमेरिकी डलर खर्च गर्ने घोषणा गरेको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News