काभा महिला यु-१९ च्याम्पियनसिप: नेपाल र कीर्गिस्तान खेल्दै

काठमाडौं। श्रीलंकामा हुने काभा महिला यू–१९ च्याम्पियनसिप आजदेखि सुरु हुँदैछ।

प्रतियोगिताको उद्घाटन खेलमा आयोजक श्रीलंका र माल्दिभ्स आमनेसामने हुनेछन्। त्यसपछि दोस्रो खेलमा नेपालले कीर्गिस्तानको सामना गर्नेछ। खेल नेपाली समयअनुसार साँझ ५:१५ बजे सुरु हुनेछ।

यस प्रतियोगितामा जम्मा चार टोली-श्रीलंका, नेपाल, कीर्गिस्तान र माल्दिभ्स-सहभागी छन्। सबै टोलीले एक-अर्काविरुद्ध राउन्ड-रोबिन चरणमा प्रतिस्पर्धा गर्नेछन्।

लिग चरणपछि अंक तालिकाको शीर्ष टोलीले चौथो स्थानमा रहने टोलीसँग र दोस्रो टोलीले तेस्रो स्थानमा रहने टोलीसँग सेमिफाइनल खेल्नेछ।

फाइनल र तेस्रो स्थानका लागि खेल कात्तिक २३ गते हुने तय गरिएको छ।

गत वर्ष भएको महिला यु २० च्याम्पियनसिपमा नेपालले कास्यपदक जितेको थियो।