गोरखामा माइक्रोबस दुर्घटना, १७ जना घाइते

गोरखा, कार्तिक २३ । गोरखाको सिरानचोकमा माइक्रोबस दुर्घटना भएको छ ।

सिरानचोक गाउँपालिका–४, चोरकाटेस्थित घुम्तीमोडमा भएको माइक्रोबस दुर्घटनामा चालकसहित १७ यात्रु घाइते भएका छन् ।

भच्चेकबाट आबुखैरेनीतर्फ जाँदै गरेको बा४ख ६०४३ नम्बरको माइक्रोबस दुर्घटनामा परेको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक राजकुमार श्रेष्ठले जानकारी दिए । उनका अनुसार माइक्रोबस अनियन्त्रित भई सडकको भित्तामा ठोक्किएको हो ।

दुर्घटनामा परी आठ वर्षीया स्वरिनल चौधरी, ४३ वर्षीया लक्ष्मी चौधरी र ३६ वर्षीया पवित्रा महतो गम्भीर घाइते भएका छन् । उक्त माइक्रोबसमा १९ यात्रु सवार थिए ।