डल्लुमा जुवातास खेलिरहेका ६ जना पक्राउ

काठमाडौँ । काठमाडौँबाट जुवातास खेलिरहेको अवस्थामा ६ जना पक्राउ परेका छन् । काठमाडौँ महानगरपालिका– १५ डल्लु डेरा गरी बस्ने रौतहट वृन्दाबन नगरपालिका–६ घर भएका २८ वर्षीय शेख नाजिरको कोठाबाट जुवातास खेलिरहेको अवस्थामा ६ जना पक्राउ परेका हुन् ।

रौतहट राजपुर नगरपालिका–४ घर भएका २१ वर्षीय ईमरोज खानसहित ६ जनालाई शनिबार राति पक्राउ गरिएको प्रहरीले जनाएको छ । प्रहरी वृत्त स्वयम्भूबाट खटिएको प्रहरीले उनीहरूलाई ५७ हजार ४ सय रूपैयाँ र ३ बुक तास सहित पक्राउ गरेको हो ।