हात्तीको आक्रमणबाट एक जनाको मृत्यु
काठमाडौं । जंगली हात्तीको आक्रमणबाट झापामा एक जनाको मृत्यु भएको छ।
बिहीबार बिहान मेचीनगर नगरपालिका–४ बाहुनडाँडीस्थित खड्का डाँडा नजिकै हात्तीले कुल्चिँदा करबि ५५ वर्षीय पुरुषको घटनास्थलमै मृत्यु भएको हो ।
मृतकको सनाखत हुन नसके पनि भारतीय नागरिक हुनसक्ने आशंका रहेको प्रहरीले जनाएको छ ।
घटनाबारे थप अनुसन्धान भइरहेको छ ।
प्रकाशित मिति: ३ पुस २०८२, बिहिबार
