सुनको मूल्य हालसम्मकै उच्च, एकैदिन ५५ सयले बढ्यो

काठमाडौं । सुनको मूल्य हालसम्मकै उच्च बिन्दुमा पुगेको छ ।

मंगलबार एकैदिन सुनको मूल्य तोलामा ५ हजार ५ सय रुपैयाँ बढेको हो ।

यस दिन छापावाल सुनको मूल्य प्रतितोला २ लाख ६७ हजार २०० रुपैयाँ कारोबार भइरहेको नेपाल सुनचाँदी व्यवसायी महासंघले जनाएको छ।

सोमबार २ लाख ६१ हजार ७०० मा कारोबार भएको थियो ।

यस्तै, चाँदीको मूल्य पनि बढेको छ । सोमबार चार हजार २३५ रहेको प्रतितोला चाँदी २० रुपैयाँ बढेर चार हजार २५५ रुपैयाँ पुगेको महासंघले जनाएको छ ।