काँग्रेसले पनि आयोगमा बुझायो समानुपातिकतर्फको बन्दसूची
काठमाडौं । नेपाली कांग्रेसले ढिलोगरी समानुपातिक उम्मेदवारको बन्दसूची निर्वाचन आयोगमा बुझाएको छ ।
मुख्यसचिव कृष्णप्रसाद पौडेलले मंगलबार पार्टीका तर्फबाट ११० जनाको नाम आयोगमा बुझाएका हुन् ।
आयोगले दलहरूलाई पुस १३ र १४ गतेसम्म समानुपातिक उम्मेदवारको सूची बुझाउन समय दिएको थियो ।
तर, सभापति शेरबहादुर देउवाको डिजिटल हस्ताक्षरलाई आयोगले तत्काल मान्यता नदिएपछि कांग्रेसले मंगलबार बन्दसूची बुझाएको हो ।
कांग्रेसले यसपटक २०६४ सालदेखि समानुपातिक प्रणालीबाट सांसद बनेकाहरूलाई बन्द सूचीमा समावेश गरेको छैन ।
प्रदेशगत रूपमा कोसी प्रदेशबाट १८, मधेस प्रदेशबाट २१, बागमती प्रदेशबाट २२, गण्डकी प्रदेशबाट ११, लुम्बिनी प्रदेशबाट १७, कर्णाली प्रदेशबाट १० र सुदूरपश्चिम प्रदेशबाट १० जना उम्मेदवार बन्द सूचीमा समावेश गरिएको छ ।
प्रकाशित मिति: १५ पुस २०८२, मंगलबार
