ट्याक्टरले मोटरसाइकललाई ठक्कर दिँदा एक जनाको मृत्यु, एक जना घाइते
सुनसरी । जिल्लाको हरिनगर गाउँपालिका–१ मा गएराति सवारी दुर्घटना हुँदा एक जनाको मृत्यु भएको छ ।
मृत्यु हुनेमा स्थानीय २५ वर्षीया दीपक दास रहेको जिल्ला प्रहरी कार्यालयकाले जनाएको छ ।
भुटहाबाट हरिनगरतर्फ गइरहेको प्रदेश०१–०२–०५७प ४८९९ नम्बरको मोटरसाइकललाई उखु लिएर आइरहेको स१ज ४९१४ नम्बरको ट्याक्टरले ठक्कर दिँदा स्थानीय २५ वर्षीय दीपक दास र मिथुन दास गम्भीर घाइते भएका थिए ।
गम्भीर घाइते दीपकको उपचारका क्रममा मृत्यु भएको हो । अर्का घाइते मिथुनको विराटनगरमा उपचार भइरहेको छ ।
ट्याक्टर प्रहरीको नियन्त्रणमा रहेको छ भने चालक फरार रहेकाले खोजी भइरहेको छ ।
प्रकाशित मिति: १ चैत्र २०८२, आइतबार
