सिकारीको गोली लागेर घाँस काट्न गएकी एक महिला गम्भीर घाइते
काठमाडौ । नुवाकोटमा सिकारीले हानेको गोली लागेर घाँस काट्न गएकी एक महिला गम्भीर घाइते भएकी छन् ।
जिल्लाको शिवपुरी गाउँपालिका–३ दियालेकी स्थानीय ४१ वर्षीय कान्छिमाया तामाङलाई बिहीबार अपरान्ह सिकारीले हानेको गोली छातीमा लाग्दा गम्भीर भएकी हुन् ।
गम्भीर अवस्थामा रहेकी तामाङको काठमाडौंको धुमबाराहीस्थित ह्याम्स अस्पतालमा उपचार भइरहेको छ ।
घटनास्थलको प्रारम्भिक अनुसन्धानका क्रममा स्थानीय १७/१८ जना मानिसहरू मिलेर बिहीबार दिउँसो बस्ती नजिकैको जंगलमा सिकार गर्न गएको र सोही समयमा उक्त घटना भएको जिल्ला प्रहरी कार्यालयले जनाएको छ ।
प्रहरीले घटनामा प्रयोग भएको दुई थान भरुवा बन्दुक र मृगको मासु बरामद गरेको जनाएको छ ।
प्रकाशित मिति: ६ चैत्र २०८२, शुक्रबार
