लुम्बिनीका जिल्लाहरूमा हावाहुरीसँगै वर्षा

काठमाडौँ । लुम्बिनी प्रदेशका विभिन्न जिल्लाहरुमा हावाहुरीसँगै वर्ष भएको छ । मौसम विज्ञान विभागले पूर्वानुमान गरेअनुसार नै लुम्बिनी प्रदेशका बाँके, दाङ, कपिलवस्तु, रुपन्देही लगायतका जिल्लामा हावाहुरी चलेको छ। शुक्रबार दिउँसाे केहीबेर हावाहुरी चलेपछि अहिले पानी पनि परिरहेको छ।

बादल र हावाहुरीका कारण दिउँसै अँध्यारो भएको थियो । दाङको तुलसीपुर, घोराही र लमही बजार क्षेत्रमा करिब १५ मिनेटसम्म हुरी चलेको थियो।

जिल्ला प्रहरी कार्यालय दाङले केहीबेर हुरी चले पनि त्यसले क्षति पुर्‍याए/नपुर्‍याएको विवरण आउन बाँकी रहेको जनाएको छ।