उदाउँदो सूर्यलाई अर्घ्य दिएसँगै सकियो चैती छठ

काठमाडौं । मिथिला क्षेत्रमा आज बिहान उदाउँदो सूर्यलाई अर्घ्य दिएसँगै चैती छठ सकिएको छ ।

चैती छठको चौथो एवं अन्तिम दिन आज बिहानै व्रतालु छठघाटमा पुगी जलाशयमा पसेर उदाउँदो सूर्यलाई अर्घ दिई चैती छठ पर्व सम्पन्न गर्ने परम्परा छ ।

यसअघि हिजो बेलुका अस्ताउँदो सूर्यलाई अर्घ्य दिएका थिए ।

नेपाल र भारतको मिथिला क्षेत्रमा आइतबार चतुर्थी तिथिदेखि धार्मिक विधिपूर्वक शुरू भएको चार दिने चैती छठ उत्सवअन्तर्गत आइतबार व्रतालुले नहाँ खा र सोमबार खरना मनाएका थिए ।