भन्सार छलेर ल्याइएका १४ थान आइफोन नागढुंगाबाट बरामद
काठमाडौं । प्रहरीले भन्सार छली गरेर ल्याइएका १४ थान आइफोन मोबाइल बरामद गरेको छ ।
प्रहरीले काठमाडौँको चन्द्रागिरि नगरपालिका–२ नागढुङ्गास्थित चेक प्वाइन्टमा नियमित चेकजाँचका क्रममा मोवाइल बरामद भएको जनाएको छ ।
प्रहरी प्रभाग नागढुङ्गाका अनुसार बुटवलबाट काठमाडौँतर्फ आउँदै गरेको लु२ख ६५६६ नम्बरको यात्रुवाहक बसलाई चेकजाँच गर्ने क्रममा प्रहरीले कालो झोलामा राखी ल्याइएको बिलबिजक बिनाका उक्त आइफोन मोबाइल बरामद गरिएको हो ।
बरामद गरिएका मोवाइलहरु त्रिभुवन विमानस्थल भन्सार कार्यालयमा दाखिला गरिएको पनि प्रहरी प्रभाग नागढुङ्गाले जनाएको छ ।
प्रकाशित मिति: २८ जेष्ठ २०८३, बिहिबार
